Sareko Informatika-sistemen Administrazioa
Informatika-sistemak konfiguratzea, administratzea eta mantentzea, sistemaren baliabideen eta zerbitzuen funtzionaltasuna eta osotasuna bermatuz, eskatutako kalitatearekin eta indarrean dagoen araudia betez.
| LH zikloa | Goi-mailako prestakuntza zikloa |
| Ikastetxea | María Ana Sanz |
| Aldía | Arratsaldez |
| Mintegia | Informatika eta Komunikazioa |
| Iraupena | 2000 ordu |
| Hizkuntza | Euskaraz |
Sartzeko baldintzak
Zuzeneko sarbidea:
- Batxilergoko titulua edo Batxilergoko ikasgai guztiak gainditu izanaren egiaztagiria izatea.
- Batxilergo esperimentaleko edozein modalitatetako bigarren maila gaindituta izatea.
- Teknikari titulua izatea (Erdi Mailako Lanbide Heziketa).
- Goi-mailako teknikariaren titulua, teknikari espezialistaren titulua edo ikasketa akademiko baliokidea izatea.
- BBBko 3. maila gainditu izana (Batxilergo Bateratu Balioaniztuna).
- Unibertsitatera Bideratzeko Ikastaroa (UBI) gainditu izana.
- Edozein unibertsitate-titulu edo baliokidea izatea.
Proba bidez sartzea (aurreko baldintzaren bat ez dutenentzat)
- Goi-mailako heziketa-zikloetara sartzeko proba gainditu izana (proba egiten den urtean gutxienez 19 urte izatea eskatzen da, edo 18 urte izatea teknikari-titulua dutenentzat).
- 25 urtetik gorakoek unibertsitatean sartzeko proba gainditu izana.
Profesional honek datuak kudeatzeko sistemak eta sareen azpiegitura (intranet, internet eta/edo estranet) dituzten erakundeen informatika-arloan egiten du lan.
FAQs
Zer ikasi eta egingo dut?
Profesional hau gai izango da:
- Zerbitzariko sistema eragileak administratzea, softwarea kalitate-baldintzetan instalatuta eta konfiguratuta, sistemaren funtzionamendua ziurtatzeko.
- Sareko zerbitzuak administratzea (webgunea, mezularitza elektronikoa eta fitxategien transferentzia, besteak beste), eta softwarea instalatzea eta konfiguratzea, kalitate-baldintzetan.
- Datu-baseak ezartzea eta kudeatzea, kudeaketa-softwarea kalitate-baldintzetan instalatuta eta administratuta, ustiategiaren ezaugarrien arabera.
- Hardware gailuen errendimendua ebaluatzea, eta funtzionamendu-beharren arabera hobetzeko aukerak identifikatzea.
- Sare telematikoen azpiegitura zehaztea, eskemak eginda eta tresneria eta elementuak hautatuta.
- Sare telematikoen azpiegituretan komunikazio-tresneria integratzea, konfigurazioa zehaztuz, konektagarritasuna ziurtatzeko.
- Erabiltzaileak ustiapeneko zehaztapenen arabera administratzea, sistemaren baliabideen eskuragarritasuna eta sarbideak bermatzeko.
- Sistemaren disfuntzioak diagnostikatzea eta funtzionaltasuna berrezartzeko neurri zuzentzaileak hartzea.
- Bere arloko baliabideen mantentze-lanak kudeatzea eta/edo egitea (horiek programatzea eta betetzen direla egiaztatzea), lan-kargen eta mantentze-planaren arabera.
Ikasketa-plana
Heziketa-ziklo honetako lanbide-moduluak honako hauek dira:
- Sistema eragileak ezartzea
- Sareak planifikatzea eta administratzea
- Hardware oinarriak
- Datu-baseak kudeatzea
- Markatzeko lengoaiak eta informazioa kudeatzeko sistemak1
- Ingeles profesionala
- Digitalizazioa ekoizpen-sektoreei aplikatuta
- Iraunkortasuna ekoizpen-sektoreei aplikatuta
- Enplegagarritasunerako ibilbide pertsonala I
- Sistema eragileak administratzea
- Sareko zerbitzuak eta Internet
- Web aplikazioak ezartzea
- Datu-baseak kudeatzeko sistemak administratzea1
- Segurtasuna eta erabilgarritasun handia
- Modulu arteko proiektua
- Enplegagarritasunerako ibilbide pertsonala II
- Hautazko proiektu profesionala
Ikasketak amaitzean, zer egin dezaket?
Ondorengo lanpostuetan lan eginez:
- Sistemen administrazioko teknikaria.
- Informatikako arduraduna.
- Internet zerbitzuetako teknikaria.
- Mezularitza elektronikoko zerbitzuetako teknikaria.
- Laguntza eta euskarri teknikoko langilea.
- Telelaguntzako teknikaria.
- Datu-baseen administrazioko teknikaria.
- Sareetako teknikaria.
- Sistemen gainbegiratzailea.
- Komunikazio-zerbitzuetako teknikaria.
- Web inguruneetako teknikaria.
Ikasten jarraitu:
-
Lanbide-espezializazioko ikastaroak.
-
Lanbide Heziketako beste ziklo bat, indarrean dagoen araudiaren arabera lanbide-moduluen baliozkotzeak ezartzeko aukerarekin.
-
Batxilergoko ebaluazio-probak prestatzea (soilik enborreko blokeko aukerako ikasgaiak)
-
Unibertsitate-irakaskuntzak, indarrean dagoen araudiaren arabera baliozkotzeak ezartzeko aukerarekin
Zein dira irteera profesionalak?
Profesional honek datuak kudeatzeko sistemak eta sareen azpiegitura (intranet, internet eta/edo estranet) dituzten erakundeen informatika-arloan egingo du lan.